學生組，文筆普遍iáu有進步ê空間。語言、美學兼顧，3位評審合議揀3篇。
〈食百五〉，科幻題材，器官移植vs.意識（記持）移植反省文：第三人稱，頭á句，主角黑川希奈A觀點：「壁頂ê日拆仔寫『2149年12月31日』。」2149-150（百五）：1999，2000.01.01日下部旬B生日；地點，人海一路「百五層樓仔」（永生塔），第150tsàn永生樓。科幻，pún-tsiânn
tō有寓言性，it-tio̍h i gué-sé、批判ê路用。F，三關樓tsàn、死kap永生。永生、長生不老，是文學、歷史母題，〈食百五〉tō是新手路、新題材處理舊「題」。結局，A thâi
B復仇，tsiah知A是B ê tsa̋u孫。
八九冬前，我拄開始寫台文ê時，袂輸寒天空lòng-lòng ê燕仔siū，誠稀微。三四冬前，發覺愈來愈濟朋友會曉讀台文，ooh！原來是我ê朋友換了一輪。最近，無咧聯絡ê朋友越倒轉來，手中提一本台文冊來共我問。ooh！原來「越頭症」嘛會當按呢。春天，燕仔飛倒轉來，孵卵生湠，晟養後一代。母語是砛簷跤ê鳥仔siū，恬恬等待出外ê浪鳥閣飛倒轉來。感謝台文ê先進佮有志，感謝當初時，無欲放棄ê家己。
Tō put tông, put siong uî biô!
藏佇心內的疧，總有一工會暴穎。
上感恩的，是感謝各位評判會當佮意我的這篇小說。
另外我欲感謝共我𤆬入台語世界的華月珍老師，有伊的牽成，我才會當佇台語這條路上順利仔順利。
閣來，是感謝江文瑜教授，感謝伊佇課堂叫我寫台文作品，毋但予我懸分閣予我有機會共宿題修改後挈來參加比賽並且得等。
最後感謝任承英老師，伊除了提供我這篇作品的建議，閣佇其他的台語領域共我提拔！
用文字記錄家己對生活的所想所思。
感謝天地！我會使得著短篇小說第三名，實在是誠感恩。這篇小說的寫作靈感是對我細漢時的記持做延伸，另外一部份是家己對成長過程的反思佮情感的體會，佇咧創作的過程，我好親像坐一幫時空飛行機，倒轉去佮較早對話。
對我來講，台語毋但是一種語言，伊連結土地的氣味佮世代相傳的情意。感謝評審的肯定，這是一種鼓勵，嘛是一个提醒：愛我繼續用台文書寫生活，記錄屬於咱臺灣、也屬於我家己的性命故事。
教育部ê母語文學獎uì 2025年ê第十屆開始，無閣使用「閩南語」這个詞，改以 「教育部臺灣台語及臺灣客語文學獎」ê名稱來徵選作品。毋但tī名稱ê改換有重要 ê意義，第十屆ê台語短篇小說3組攏總ê投稿有88篇。進入複審ê稿件分別是：社會 組38篇、教師組25篇、學生組21篇，攏總84篇，逐組ê稿件攏是過去ê 2-3倍，看會 著台語文學ê創作量增加真濟。這屆台語短篇小說ê評審是陳明仁、施俊州kah我來 擔任，咱3个人愛tī真短ê時間讀完84篇ê台語小說、逐組揀出5篇左右ê入圍作品， 實在講不止硬篤。總是，看著tsiah濟人投入台語小說ê寫作，中間也有袂少好作 品，硬篤ê工課實在也予人感覺安慰kah歡喜。以下，針對短篇小說教師組ê作品來 報告一寡讀後kah評選ê感想。
講老實話，ē tio̍h教育部ê賞，是料想bē到––ê。因tuann是體制內一向支持全漢字書寫。我個人向望臺灣thang像越南kap韓國仝款，mài hōo漢字縛tiâu-tiâu，用羅馬字展現lán
ê主體性。Hōo lán ê囝孫，學外國語文ê時，thang khah kín上手，順利行向國際化。
「清––á」事實是teh khàng家己ê臭粒仔phí，面對過去細漢時，m̄ kánn講出喙ê話，m̄ kánn想ê代誌。寫了刣，刣suah koh寫，to̍h像去病院清拖真久ê峰岫癰，挖ê時真疼，m̄
去清驚ē敗血，tsông烏有去。Tsit馬有khah好––ah。
是啥人「離家出走」？
你欲信無？阮兜彼隻老狗，行路都已經無啥會好勢矣，煞會拍毋見去！閣較譀古的是，拍毋見一暝了後，竟然有才調閣揣倒轉來。
毋過，這毋但是一个揣狗的故事，伊是咧講「拍毋見」這件代誌。離家出走的無定著是狗，嘛會是「人」、是「心」抑是「記持」。
感謝評審，予這張「毋但是揣狗」的告示單有機會予人看著。
多謝我的媽媽張富美女士和爸爸林木壽先生，𪜶鬥飼狗閣賜予我遮爾媠的母語──台語。
阮阿媽號做「換」。這篇小說的主要人物，會使講就是阮阿媽。
毋過，虛構的部份占九成外。也就是講，伊的身世閣親像謎仝款。阿爸阿母講，阿媽在生罕得講較早的代誌，凡勢是伊共少女時代的過往，當做是見笑代。另外一个角度來看，這予我閣較濟想像空間，來寫這篇作品。
這篇小說會使得等，對我來講誠有意義。多謝評審老師對這篇小說的肯定。這份榮譽，欲獻予阮阿媽佮彼个時代遐的無法度替家己未來做主意的查某囡仔。
〈走縒〉
寫少年仔參加宮廟八家將ê小說，這ê時代宮廟有招少年仔組團隊表演，kuan神、童乩、操練武術，跤步手路。多數是招國中生，俗稱陣頭。優勝的作品，作者是真有社會經驗觀察的作家，多次入選教育部，詩、散文，這擺小說有真媠氣的社會話，對宮廟頭家偽善，真正的面貌有深入佮精彩的描寫。
感謝教育部評審的肯定。
臺灣台語佇文學的路程會當正名徛起，是濟濟前輩拍拚的成果，in為母語釘根，後進用文字繼續開枝散葉，共台語的文雅佮媠氣代代傳湠落去。
舊年下半年無閒出冊，毋過看著「教育部母語文學獎」咧徵文，嘛是共時間窮出來，終其尾共這篇修改完成。我知影無遐好運會著等，毋過咱嘛是堅持：就算無著等，上無我有共生落來。
佇咱這个社會艱苦人真濟，毋過凡事攏愛講道理，〈關鍵彼一秒〉就是咧寫女主角秋蘭佮小妹秋媚以及幫𪜶拍官司的法扶律師鄭如芳無放棄的堅持。人生的過程攏會拄著關鍵的彼一秒，毋管代誌按怎轉踅，攏愛相信真理徛佇正義的這爿。
向望囡仔會曉講台語，才硬共台語練轉來。
向望共囡仔講的話記落來，才雄雄發覺這个世界原來有台文。
真濟人講，囡仔會曉講台語，是因為爸母的台語好。阮兜煞是：因為查某囝開始講台語，伊的阿母的台語才愈來愈好（對無輾轉變輾轉，對台文的青盲牛到會當提著文學獎）。
多謝我彼个願意佮我講台語的查某囝
多謝我的阿爸阿母佮我講台語
多謝我佇天頂的阿媽佮阿公（假使我會當較早知影有台文，就會當共你講的話，用你一世人用的語言記落來，閣講予你聽，按呢毋知影有偌好）
學生組，文筆普遍iáu有進步ê空間。語言、美學兼顧，3位評審合議揀3篇。
〈食百五〉，科幻題材，器官移植vs.意識（記持）移植反省文：第三人稱，頭á句，主角黑川希奈A觀點：「壁頂ê日拆仔寫『2149年12月31日』。」2149-150（百五）：1999，2000.01.01日下部旬B生日；地點，人海一路「百五層樓仔」（永生塔），第150tsàn永生樓。科幻，pún-tsiânn tō有寓言性，it-tio̍ h i gué-sé、批判ê路用。F，三關樓tsàn、死kap永生。永生、長生不老，是文學、歷史母題，〈食百五〉tō是新手路、新題材處理舊「題」。結局，A thâi B復仇，tsiah知A是B
ê tsa̋ u孫。
八九冬前，我拄開始寫台文ê時，袂輸寒天空lòng-lòng ê燕仔siū，誠稀微。三四冬前，發覺愈來愈濟朋友會曉讀台文，ooh！原來是我ê朋友換了一輪。最近，無咧聯絡ê朋友越倒轉來，手中提一本台文冊來共我問。ooh！原來「越頭症」嘛會當按呢。春天，燕仔飛倒轉來，孵卵生湠，晟養後一代。母語是砛簷跤ê鳥仔siū，恬恬等待出外ê浪鳥閣飛倒轉來。感謝台文ê先進佮有志，感謝當初時，無欲放棄ê家己。
Tō put tông, put siong uî biô!
藏佇心內的疧，總有一工會暴穎。
上感恩的，是感謝各位評判會當佮意我的這篇小說。
另外我欲感謝共我𤆬入台語世界的華月珍老師，有伊的牽成，我才會當佇台語這條路上順利仔順利。
閣來，是感謝江文瑜教授，感謝伊佇課堂叫我寫台文作品，毋但予我懸分閣予我有機會共宿題修改後挈來參加比賽並且得等。
最後感謝任承英老師，伊除了提供我這篇作品的建議，閣佇其他的台語領域共我提拔！
用文字記錄家己對生活的所想所思。
感謝天地！我會使得著短篇小說第三名，實在是誠感恩。這篇小說的寫作靈感是對我細漢時的記持做延伸，另外一部份是家己對成長過程的反思佮情感的體會，佇咧創作的過程，我好親像坐一幫時空飛行機，倒轉去佮較早對話。
對我來講，台語毋但是一種語言，伊連結土地的氣味佮世代相傳的情意。感謝評審的肯定，這是一種鼓勵，嘛是一个提醒：愛我繼續用台文書寫生活，記錄屬於咱臺灣、也屬於我家己的性命故事。
教育部ê母語文學獎uì 2025年ê第十屆開始，無閣使用「閩南語」這个詞，改以「教育部臺灣台語及臺灣客語文學獎」ê名稱來徵選作品。毋但tī名稱ê改換有重要ê意義，第十屆ê台語短篇小說3組攏總ê投稿有88篇。進入複審ê稿件分別是：社會
組38篇、教師組25篇、學生組21篇，攏總84篇，逐組ê稿件攏是過去ê 2-3倍，看會
著台語文學ê創作量增加真濟
講老實話，ē tio̍ h教育部ê賞，是料想bē到–ê。因tuann是體制內一向支持全漢字書寫。我個人向望臺灣thang像越南kap韓國仝款，mài hōo漢字縛tiâu-tiâu，用羅馬字展現lán ê主體性。Hōo lán ê囝孫，學外國語文ê時，thang khah kín上手，順利行向國際化。
「清–á」事實是teh khàng家己ê臭粒仔phí，面對過去細漢時，m̄ kánn講出喙ê話，m̄ kánn想ê代誌。寫了刣，刣suah koh寫，to̍ h像去病院清拖真久ê峰岫癰， 挖ê時真疼，m̄ 去清驚ē敗血，tsông烏有去。Tsit馬有khah好–ah。
是啥人「離家出走」？
你欲信無？阮兜彼隻老狗，行路都已經無啥會好勢矣，煞會拍毋見去！閣較譀古的是，拍毋見一暝了後，竟然有才調閣揣倒轉來。
毋過，這毋但是一个揣狗的故事，伊是咧講「拍毋見」這件代誌。離家出走的無定著是狗，嘛會是「人」、是「心」抑是「記持」。
感謝評審，予這張「毋但是揣狗」的告示單有機會予人看著。
多謝我的媽媽張富美女士和爸爸林木壽先生，𪜶鬥飼狗閣賜予我遮爾媠的母語──台語。
阮阿媽號做「換」。這篇小說的主要人物，會使講就是阮阿媽。
毋過，虛構的部份占九成外。也就是講，伊的身世閣親像謎仝款。阿爸阿母講，阿媽在生罕得講較早的代誌，凡勢是伊共少女時代的過往，當做是見笑代。另外一个角度來看，這予我閣較濟想像空間，來寫這篇作品。
這篇小說會使得等，對我來講誠有意義。多謝評審老師對這篇小說的肯定。這份榮譽，欲獻予阮阿媽佮彼个時代遐的無法度替家己未來做主意的查某囡仔。
〈走縒〉
寫少年仔參加宮廟八家將ê小說，這ê時代宮廟有招少年仔組團隊表演，kuan神、童乩、操練武術，跤步手路。多數是招國中生，俗稱陣頭。優勝的作品，作者是真有社會經驗觀察的作家，多次入選教育部，詩、散文，這擺小說有真媠氣
的社會話，對宮廟頭家偽善，真正的面貌有深入佮精彩的描寫。
感謝教育部評審的肯定。
臺灣台語佇文學的路程會當正名徛起，是濟濟前輩拍拚的成果，in為母語釘根，後進用文字繼續開枝散葉，共台語的文雅佮媠氣代代傳湠落去。
舊年下半年無閒出冊，毋過看著「教育部母語文學獎」咧徵文，嘛是共時間窮出來，終其尾共這篇修改完成。我知影無遐好運會著等，毋過咱嘛是堅持：就算無著等，上無我有共生落來。
佇咱這个社會艱苦人真濟，毋過凡事攏愛講道理，〈關鍵彼一秒〉就是咧寫女主角秋蘭佮小妹秋媚以及幫𪜶拍官司的法扶律師鄭如芳無放棄的堅持。人生的過程攏會拄著關鍵的彼一秒，毋管代誌按怎轉踅，攏愛相信真理徛佇正義的這爿。
向望囡仔會曉講台語，才硬共台語練轉來。
向望共囡仔講的話記落來，才雄雄發覺這个世界原來有台文。
真濟人講，囡仔會曉講台語，是因為爸母的台語好。阮兜煞是：因為查某囝開始講台語，伊的阿母的台語才愈來愈好（對無輾轉變輾轉，對台文的青盲牛到會當提著文學獎）。
多謝我彼个願意佮我講台語的查某囝
多謝我的阿爸阿母佮我講台語
多謝我佇天頂的阿媽佮阿公（假使我會當較早知影有台文，就會當共你講的話，用你一世人用的語言記落來，閣講予你聽，按呢毋知影有偌好）